Fréttir

Arnarstofninn vex hægt og bítandi og taldi um 74 pör vorið 2016. Varpið var hins vegar það slakasta frá 2006, enda gekk örnum illa að koma upp ungum við norðanverðan Breiðafjörð og á Vestfjörðum. Fleiri pör, 52 talsins, urpu en undanfarin ár en varpið misfórst hjá meira en helmingi þeirra. Þá var meðalungafjöldi í hreiðri með allralægsta móti (1,08 ungi/hreiðri) og komu 25 pör því aðeins upp 27 ungum. Ekki eru augljósar skýringar á þessu.

Náttúrufræðistofnun Íslands hefur nú gert gróðurkort Rala aðgengileg á vefnum. Kortin voru prentuð á árunum 1961–1987 en eru nú komin á stafrænt form (rastakort).

Rannsóknir á jökulskerjum í Breiðamerkurjökli og Vatnajökli sína að plöntutegundum hefur fjölgað og gróðurmörk breyst með hlýnandi loftslagi. Fleiri plöntutegundir geta nú vaxið þar en fyrir 35 árum síðan.

Steingervingar úr safni Náttúrufræðistofnunar Íslands prýða sýningu um náttúruvættið Surtarbrandsgil sem opnuð var á Brjánslæk 12. ágúst síðastliðinn.

Árlegur leiðangur vísindamanna í Surtsey leiddi í ljós færri háplöntutegundir en undanfarin ár en hins vegar uppgötvuðust nýjar tegundir smádýra. Varpárangur máfa var með besta móti.

Fjöldi frjókorna á mælistöðinni í Garðabæ hefur aldrei áður mælst eins hár og í júlí og íbúar höfuðborgarsvæðisins sem haldir eru ofnæmi fundu margir fyrir sterkum ofnæmiseinkennum. Á Akureyri er þessu öfugt farið því frjótala var undir meðallagi og gera má ráð fyrir háum frjótölum í ágúst.