Hrafnaþing: Áhrif loftslagsbreytinga á smádýr í skógrækt og landgræðslu

29.11.2016
Skógburstalirfa (Orgyia antiqua)
Mynd: Guðmundur Halldórsson
Skógburstalirfa.

Hrafnaþing Náttúrufræðistofnunar Íslands verður haldið miðvikudaginn 30. nóvember kl. 15:15–16:00. Guðmundur Halldórsson rannsóknastjóri hjá Landgræðslu ríkisins flytur erindið „Áhrif loftslagsbreytinga á smádýr í skógrækt og landgræðslu“.

Í fyrirlestrinum verður fjallað um áhrif loftslagsbreytinga á smádýr sem lifa á trjám og öðrum gróðri sem notaður er í landgræðslu og skógrækt hér á landi. Rætt verður um landnám nýrra tegunda sem lifa á trjágróðri og breytingar á skaðsemi og faröldrum tegunda sem fyrir voru. Að lokum verður reynt að svara spurningunni um hver sé líkleg framtíðarþróun á þessu sviði og hvaða möguleikar séu á að bregðast við því.

Hrafnaþing er haldið í húsakynnum Náttúrufræðistofnunar að Urriðaholtsstræti 6–8 í Garðabæ, í Krummasölum á 3. hæð.

Dagskrá Hrafnþings