Fréttir

Náttúrufræðistofnun nýtur áfram trausts meðal landsmanna

13.03.2018
Í Lónsfirði er yfirleitt mikið af álft
Mynd: Erling Ólafsson

Álft.

Landsmenn bera áfram mikið traust til Náttúrufræðistofnunar Íslands samkvæmt könnun Capacent sem gerð var í febrúar síðastliðnum. Samkvæmt henni nýtur stofnunin mikils trausts 60% landsmanna.

Stofnunin hefur tekið þátt í sömu könnun síðan 2007, að árinu 2013 undanskildu, og er hún áfram meðal þeirra stofnanna sem nýtur hvað mest trausts. Markmiðið með könnuninni er að kanna traust almennings til Náttúrufræðistofnunar Íslands og þróun á því, auk þess að bera niðurstöður saman við aðrar stofnanir.

Náttúrufræðistofnun Íslands nýtur mikils trausts 60% landsmanna, þar af bera um 6% fullkomið traust til stofnunarinnar, 24% mjög mikið traust og 30% frekar mikið traust. Þetta er heldur meira traust en mældist árið 2017 en þá naut stofnunin mikils traust 58% landsmanna. Hlutlausum fækkaði um þrjú prósentustig milli ára, úr 39% niður í 36% en fjöldi þeirra sem bera lítið traust til stofnunarinnar hefur hins vegar hækkað úr 2% í 4%.

Í samanburði við aðrar stofnanir kemur Náttúrufræðistofnun ágætlega út. Hún er fyrir ofan meðaltalið og er á róli með Háskóla Íslands og heilbrigðiskerfinu.

60% landsmanna bera mikið traust til Náttúrufræðistofnunar Íslands

60% landsmanna bera mikið traust til Náttúrufræðistofnunar Íslands.

Náttúrufræðistofnun Íslands nýtur svipaðs trausts og Háskóli Íslands og heilbrigðiskerfið

Náttúrufræðistofnun Íslands nýtur svipaðs trausts og Háskóli Íslands og heilbrigðiskerfið.