Fréttir

  • 30.10.2018

    Vegna ráðgjafar Náttúrufræðistofnunar Íslands um rjúpnaveiði 2018

    Vegna ráðgjafar Náttúrufræðistofnunar Íslands um rjúpnaveiði 2018

    Rjúpa, ársgamall kvenfugl á flugi. S-Þing, 10. maí 2017

    30.10.2018

    Náttúrufræðistofnun Íslands biður samstarfshóp um ástand rjúpnastofnsins afsökunar á mistökum sem urðu á kynningu á veiðiráðgjöf þetta haustið. Eftir fund hópsins í september síðastliðnum var sú ákvörðun tekin hjá stofnuninni að nota breyttar forsendur við framreikninga á stofnstærð rjúpunnar miðað við hvað gert hefur fram til þessa. Fyrir fórst að kynna samráðshópnum þessi breyttu rök. Náttúrufræðistofnun Íslands harmar þessi mistök og óskar eftir áframhaldandi góðu samstarfi um greiningu á ástandi rjúpnastofnsins.

  • 29.10.2018

    Hrafnaþing: 100 ára friðun birkiskóga á Þórsmerkursvæðinu

    Hrafnaþing: 100 ára friðun birkiskóga á Þórsmerkursvæðinu

    Þórsmörk

    29.10.2018

    Hrafnaþing Náttúrufræðistofnunar Íslands verður haldið miðvikudaginn, 31. október kl. 15:15–16:00. Hreinn Óskarsson skógfræðingur hjá Skógræktinni flytur erindið „100 ára friðun birkiskóga á Þórsmerkursvæðinu“.

    Í erindinu verður fjallað um útbreiðslu birkiskóga á Þórsmerkursvæðinu, uppgræðsluaðgerðir og sögu beitarfriðunar á svæðinu.

  • 15.10.2018

    Nýir válistar plantna, spendýra og fugla

    Nýir válistar plantna, spendýra og fugla

    Landselur við Surtsey

    15.10.2018

    Náttúrufræðistofnun Íslands hefur birt nýja válista plantna, spendýra og fugla. Þetta er í fyrsta sinn sem válisti spendýra er unninn hér á landi.

  • 12.10.2018

    Tillögur um rjúpnaveiði 2018

    Tillögur um rjúpnaveiði 2018

    Rjúpa, fullorðinn kvenfugl, á Tjörnesi

    12.10.2018

    Náttúrufræðistofnun Íslands hefur metið veiðiþol rjúpnastofnsins 2018. Niðurstöðurnar voru kynntar umhverfis- og auðlindaráðherra í bréfi þann 13. september sl. Ráðlögð rjúpnaveiði í haust er um 67 þúsund fuglar, en hún var á síðasta ári 57 þúsund fuglar. Stofnunin leggur áherslu á að hvergi verði slakað á í þeirri viðleitni að draga sem mest úr heildarafföllum rjúpunnar.

  • 11.10.2018

    Ný skýrsla um langtímaáhrif alaskalúpínu á gróður og jarðveg á Íslandi

    Ný skýrsla um langtímaáhrif alaskalúpínu á gróður og jarðveg á Íslandi

    Lúpína og skógarkerfill

    11.10.2018

    Í nýútkominni skýrslu Náttúrufræðistofnunar Íslands er greint frá niðurstöðum rannsókna á framvindu gróðurs á svæðum á suður- og norðurhluta landsins, þar sem alaskalúpína hafði vaxið og breiðst út um áratuga skeið. Á rannsóknasvæðum á Suðurlandi komu fram skýr merki um hörfun lúpínu á meðan merki um slíkt voru ekki eins skýr norðanlands. Alaskalúpína hefur breiðst mjög út á friðuðum svæðum um allt land á undanförnum áratugum.

  • 09.10.2018

    Samantekt frjómælinga sumarið 2018

    Samantekt frjómælinga sumarið 2018

    Haustlitir í Vífilsstaðahrauni, séð í átt að Vífilsstöðum

    09.10.2018

    Tekið hefur verið saman yfirlit yfir frjómælingar í Garðabæ og á Akureyri sumarið 2018. Í Garðabæ var heildarfjöldi frjókorna langt undir meðaltali en á Akureyri voru frjókorn töluvert fleiri en í meðalári.

  • 03.10.2018

    Gróður á norðurslóðum tekur örum breytingum með hlýnandi loftslagi

    Gróður á norðurslóðum tekur örum breytingum með hlýnandi loftslagi

    Sigþrúður Jónsdóttir, starfsmaður Landgræðslunnar, við úttekt á hagareit í Árnessýslu 2015

    03.10.2018

    Hlýnandi loftslag gerir hávöxnum tegundum kleift að nema land á heimskautasvæðum og háfjallatúndrum, auk þess sem gróður sem var þar fyrir nær meiri hæð en áður. Þetta er meðal þess sem kemur fram í nýrri grein eftir 130 líffræðinga sem birt er í tímaritinu Nature.

  • 02.10.2018

    Vel heppnuð Vísindavaka að baki

    Vel heppnuð Vísindavaka að baki

    Vísindavaka 2018 – Íslenski refurinn

    02.10.2018

    Vísindavaka Rannís var haldin í Laugardalshöll síðastliðinn föstudag, 28. september. Þar gafst gestum kostur á að kynnast vísindum á lifandi og gagnvirkan þátt.