Fréttir

Náttúrufræðistofnun Íslands óskar samstarfsmönnum og landsmönnum öllum gleðilegra jóla og farsældar á nýju ári.

Síðastliðið sumar fóru starfsmenn Náttúrufræðistofnunar Íslands og Landmælinga Íslands til Surtseyjar í þeim tilgangi að kortleggja eyjuna með myndatöku úr dróna og þyrlu. Ein af afurðum kortlagningarinnar er nákvæmt þrívíddarlíkan sem nú hefur verið birt á vef Náttúrufræðistofnunar Íslands.

Náttúrufræðistofnun Íslands hefur opnað kortasjána Jarðfræði Íslands þar sem finna má útgefin jarðfræðikort stofnunarinnar yfir berggrunn, höggun og jarðhita í mælikvarða 1:600.000 og nýtt berggrunnskort af Vesturgosbeltinu í mælikvarða 1:100.000. Kortasjáin verður áfram í vinnslu og munu fleiri gögn bætast við safnið.

Í aðdraganda jóla skjóta iðulega upp kollum hin ýmsu kvikindi sem borist hafa til landsins með fjölbreyttum innflutningi vegna jólahaldsins. Sitthvað berst til dæmis með dönsku jólatrjánum, allskyns glingri, fersku grænmeti og ávöxtum. Á aðventunni að þessu sinni ber hæst köngulær sem fólk hefur fengið í kaupbæti með amerískum vínberjum.

Hrafnaþing Náttúrufræðistofnunar Íslands verður haldið miðvikudaginn, 18. desember kl. 15:15–16:00. Pawel Wasowicz grasafræðingur hjá Náttúrufræðistofnun Íslands flytur erindið Plant immigration, naturalization and invasion in the Arctic - what do we know today?

Móttaka Náttúrufræðistofnunar Íslands á Akureyri er lokuð í dag vegna veðurs. Opnað verður í fyrramálið kl. 10.

Hrafnaþing Náttúrufræðistofnunar Íslands verður haldið miðvikudaginn, 27. nóvember kl. 15:15–16:00. Kristján Jónasson jarðfræðingur hjá Náttúrufræðistofnun Íslands flytur erindið Merkar jarðminjar á Torfajökulssvæði: Tilnefning á heimsminjaskrá?

Grágæsir verða taldar hér á landi og á vetrarstöðvum á Bretlandseyjum 23.–24. nóvember 2019. Náttúrufræðistofnun Íslands óskar eftir upplýsingum um allar gæsir sem vart verður við næstu daga.

Hrafnaþing Náttúrufræðistofnunar Íslands verður haldið miðvikudaginn, 30. október kl. 15:15–16:00. Stefanía Ragnarsdóttir fræðslufulltrúi Vatnajökulsþjóðgarðs flytur erindið „Vatnajökull kallar, fræðsla í Vatnajökulsþjóðgarði“.

Náttúrufræðistofnun Íslands hefur endurskoðað kortlagningu á útbreiðslu lúpínu á landinu. Samkvæmt kortinu er heildarútbreiðsla lúpínubreiða á landinu 308 km².

Hrafnaþing Náttúrufræðistofnunar Íslands verður haldið miðvikudaginn, 16. október kl. 15:15–16:00. Ester Rut Unnsteinsdóttir spendýravistfræðingur flytur erindið „Kortlagning spendýra í Evrópu“.

Tekið hefur verið saman yfirlit yfir frjómælingar í Garðabæ og á Akureyri sumarið 2019. Á Akureyri var fjöldi heildarfrjókorna talsvert yfir meðallagi en því var öfugt farið í Garðabæ þar sem frjókorn voru mun færri en í meðalári.

Það voru margir sem heimsóttu sýningarbás Náttúrufræðistofnunar Íslands á Vísindavöku Rannís sem haldin var í Laugardalshöll 28. september. Stofnunin bauð gestum að skyggnast inn í vísindasafn stofnunarinnar þar sem hrafninn var í brennidepli.

Vísindavaka 2019 verður haldin í Laugardalshöllinni, laugardaginn 28. september. Náttúrufræðistofnun Íslands verður á staðnum og býður gestum að skyggnast inn í vísindasafn stofnunarinnar þar sem hrafninn verður í brennidepli.

Í dag eru 40 ár frá undirritun Bernarsamningsins en hann var fyrsti alþjóðasáttmálinn sem fjallar í senn um verndun tegunda og búsvæða þeirra. Meginmarkmið samningsins er að vernda evrópskar tegundir villtra plantna og dýra og vistgerða sem þarfnast verndar.

Í ágúst mældust mun fleiri frjókorn í lofti á Akureyri en í meðalári. Í Garðabæ var þessu öfugt farið því þar mældust frjókorn yfir helmingi færri en að jafnaði. Grasfrjó geta áfram mælst í september en ólíklega í miklu magni.

Náttúrufræðistofnun Íslands hefur metið veiðiþol rjúpnastofnsins haustið 2019 og hafa niðurstöðurnar verið kynntar umhverfis- og auðlindaráðherra með bréfi. Ráðlögð rjúpnaveiði í haust er 72 þúsund fuglar. Forsendur matsins byggja á þeirri stefnu stjórnvalda  að rjúpna- veiðar skuli vera sjálfbærar.

Nýverið fóru þrír starfsmenn Náttúrufræðistofnunar Íslands í leiðangur inn á Síðumannaafrétt í þeim tilgangi að skoða Lauffellsmýrar, eitt stærsta votlendi á miðhálendi Íslands. Þar er að finna fremur sjaldgæfa vistgerð sem nefnist rimamýravist. Gerðar voru athuganir á gróðri í mýrunum og þær ljósmyndaðar.

Nýr enskur vefur Náttúrufræðistofnunar Íslands hefur litið dagsins ljós. Vefurinn inniheldur umfangsmiklar upplýsingar um starfsemi stofnunarinnar og náttúru landsins.

Margir hafa tekið eftir því um þessar mundir að birkitrjánum í görðum okkar heilsast ekki vel. Að vanda lék birkikemban fyrstu laufin illa í vor. Hún lauk sér af og ný blöð spruttu fram. Til skamms tíma náðu birkitrén jafnan að endurheimta laufskrúð sitt eftir atlögur birkikembunnar en nýtt meindýr er komið fram á sjónarsviðið sem leikur nýju laufin grátt. Birkið á höfuðborgarsvæðinu er nú víða illa útleikið eftir þennan nýliða í smádýrafánunni.

Náttúrufræðistofnun Íslands hefur gefið út skýrsluna Frumrannsókn á trjábolaförum í Ófeigsfirði (pdf, 9,4 MB). Í henni er greint frá niðurstöðum frumathugana á útbreiðslu trjáhola á hluta af fyrirhugðu framkvæmdasvæði vegna virkjunar við Hvalá í Ófeigsfirði. Höfundar skýrslunnar eru Lovísa Ásbjörnsdóttir og Sigríður María Aðalsteinsdóttir jarðfræðingar.

Frjókorn voru fleiri í lofti í júlí en í meðalári, bæði á Akureyri og á höfuðborgarsvæðinu. Í ágúst má áfram búast við frjókornum ef veðurskilyrði haldast góð.

Leiðangur jarðfræðinga Náttúrufræðistofnunar Íslands til Surtseyjar var farinn 18.–22. júlí í kjölfar líffræðileiðangurs. Með í för voru sérfræðingar frá Íslenskum Orkurannsóknum, Háskóla Íslands, Matís, Landmælingum Íslands og Háskólanum í Bergen, ásamt landverði frá Umhverfisstofnun.

Surtsey kemur vel undan þurrkatíð sumarsins. Rannsóknir líffræðinga í eynni undanfarna daga sýndu að sem fyrr er gróður þar í mikilli sókn. Á hverju ári má merkja aukna útbreiðslu graslendis en það nýtur góðs af öflugri áburðargjöf máfa sem hreiðrað hafa um sig á strangfriðaðri eynni. Máfavarpið er þó að taka breytingum. Ein ný plöntutegund fannst að þessu sinni í eynni og tvær nýjar pöddutegundir eru þegar komnar í ljós.

Vegna sumarleyfa starfsfólks verður móttaka og símsvörun Náttúrufræðistofnunar Íslands í Garðabæ og á Akureyri lokuð frá og með mánudeginum 15. júlí, til og með 2. ágúst.

Frjókorn mældust alla daga í júní á Akureyri og í Garðabæ en fjöldi þeirra var þó talsvert undir meðaltali. Á báðum stöðum var mánuðurinn óvenju þurr og sólríkur. Frjótíma birkis er nú lokið en aðalfrjótími grasa er framundan í júlí og ágúst.

Náttúrufræðistofnun Íslands hefur gefið út vistgerðalykil sem ætlaður er til að auðvelda fólki að greina vistgerðir á landi. Þess er vænst að lykillinn komi þeim að notum sem vinna að kortlagningu lands og öðrum er vilja setja sig inn í vistgerðaflokkun.

Lúsmý hefur haldið uppteknum hætti það sem af er sumri, jafnvel aðgangsharðara en áður og nokkuð fyrr á ferðinni. Það hefur notið góðs af blíðunni sem ríkt hefur á sunnanverðu landinu. Líkast til er lúsmýið gamalgróið en hefur sloppið yfir þröskuld sem hélt því í skefjum. Gerðist það sumarið 2015 svo um munaði og hefur leikið lausum hala á suðvestanverðu landinu síðan, heldur illa þokkað. Ef til vill koma loftslagsbreytingar hér við sögu.

Frjómælingar hafa staðið yfir á Akureyri og í Garðabæ síðan í mars. Í apríl var fjöldi frjókorna langt yfir meðaltali á Akureyri enda óvenju hlýtt en í Garðabæ var úrkoma mikil og þar að leiðandi ekki mörg frjókorn í lofti. Á báðum stöðum var fjöldi frjókorna yfir meðallagi í maí.

Rjúpnatalningum á vegum Náttúrufræðistofnunar Íslands vorið 2019 er lokið. Rjúpum fækkaði víðast hvar nema í lágsveitum á Norðausturlandi. Miðað við ástand stofnsins frá síðustu aldamótum er rjúpnafjöldinn 2019 mestur á Norðausturlandi í öðrum landshlutum er hann í eða undir meðaltali.

Náttúrufræðistofnun Íslands verður lokuð fimmtudaginn 16. maí vegna starfsmannaferðar. Stofnunin opnar aftur föstudaginn 17. maí kl. 10. 

Árið 2018 voru alls merktir 21.648 fuglar af 83 tegundum hér á landi. Er þetta metfjöldi merktra fugla á einu ári. Mest var merkt af auðnutittlingum. Þetta var 98. ár fuglamerkinga á Íslandi og voru virkir merkingamenn 57 talsins.

Dagana 25.–26. apríl mældist talsvert magn birkifrjóa á Akureyri og í Garðabæ. Frjókornin bárust með sterkum vindum frá austur-Evrópu.

Trjátegundin elri, einnig nefnd ölur, byrjaði að blómgast um síðustu mánaðrmót og dreifa frjóum sínum. Fólk með birkiofnæmi getur fundið fyrir ofnæmiseinkennum því frjókorn birkis og elris hafa sömu ofnæmisvaka. Helstu tegundir sem valda ofnæmi á Íslandi eru birki, grös og súrur.

Ársfundur Náttúrufræðistofnunar var haldinn í 26. sinn föstudaginn 12. apríl síðastliðinn á Hótel Reykjavík Natura. Þar voru flutt ávörp og erindi um verkefni sem unnið hefur verið að hjá stofnuninni.

Á Náttúrufræðistofnun Íslands hefur verið gengið frá tveimur gagnasettum landupplýsinga til niðurhals. Annars vegar er um að ræða landupplýsingar fyrir endurskoðaða útgáfu landvistgerða og hins vegar fyrir náttúrufyrirbæri sem njóta sérstakrar verndar samkvæmt 61. gr. laga um náttúruvernd. Gögnin ná yfir allt landið.

Ársfundur Náttúrufræðistofnunar Íslands verður haldinn á Hótel Reykjavík Natura, föstudaginn 12. apríl kl. 13:00–16:00.

Hrafnaþing Náttúrufræðistofnunar Íslands verður haldið miðvikudaginn 3. apríl kl. 15:15–16:00. Borgný Katrínardóttir líffræðingur flytur erindið „Senn kemur spóinn“. 

Í dag, 22. mars, er alþjóðlegur dagur vatnsins sem helgaður er umræðu um sértæk viðfangsefni sem varða vatn og verndun vatnsauðlindarinnar.

Hrafnaþing Náttúrufræðistofnunar Íslands verður haldið miðvikudaginn 20. mars kl. 15:15–16:00. Járngerður Grétarsdóttir gróðurvistfræðingur hjá Náttúrufræðistofnun Íslands flytur erindið „Fræslægja – aðferð til að dreifa staðargróðri“. 

Landsmenn bera áfram mikið traust til Náttúrufræðistofnunar Íslands samkvæmt nýrri könnun Capacent. Samkvæmt henni nýtur stofnunin mikils trausts 59% landsmanna.

Hrafnaþing Náttúrufræðistofnunar Íslands verður haldið miðvikudaginn 6. mars kl. 15:15–16:00. Sigurður H. Magnússon gróðurvistfræðingur flytur erindið „Vöktun þungmálma og brennisteins í mosa á Íslandi“. 

Náttúrufræðistofnun Íslands hefur gefið út skýrsluna „Útbreiðsla og flatarmál lúpínubreiða á Íslandi 2017“ en höfundar hennar eru þeir Sigurður Kristinn Guðjohnsen og Borgþór Magnússon. Með skýrslunni er lokið endurskoðun á kortlagningu lúpínu á landinu sem var birt árið 2016 vegna kortlagningar vistgerða landsins.

Hrafnaþing Náttúrufræðistofnunar Íslands verður haldið miðvikudaginn 20. febrúar kl. 15:15–16:00. Kristinn Haukur Skarphéðinsson dýravistfræðingur flytur erindið „Hrafnar í Landnámi Ingólfs: breytingar á búsetu og stofnstærð 1982–2017“. 

Níræður er í dag, 8. febrúar, Eyþór Einarsson grasafræðingur. Eyþór starfaði alla sína starfsævi hjá Náttúrufræðistofnun Íslands og lagði meðal annars grunn að rannsóknum á gróðri í jökulskerjum Vatnajökuls þar sem plöntur voru að nema land þegar jökullinn var að hörfa og hann var einnig frumkvöðull að gróðurrannsóknum í Skaftafelli í Öræfum þar sem reglulega hefur verið fylgst með framgangi gróðurs á tilteknum gróðurreitum.

Nýverið gaf Náttúrufræðistofnun Íslands út skýrsluna „Vöktun þungmálma og brennisteins í mosa á Íslandi 1990–2015. Áhrif frá iðjuverum og eldvirkni“ eftir Sigurð H. Magnússon. Í henni er fjallað um nýjustu upplýsingar um loftborna mengun á Íslandi samkvæmt mælingum á mosa.

Hrafnaþing Náttúrufræðistofnunar Íslands verður haldið miðvikudaginn 6. febrúar kl. 15:15–16:00. Borgþór Magnússon plöntuvistfræðingur flytur erindið „Langtímaáhrif alaskalúpínu á gróður og jarðveg“. 

Náttúrufræðistofnun Íslands og Vatnajökulsþjóðgarður auglýsa laust til umsóknar 100% starf mannauðsstjóra. Um er að ræða 50% starf hjá hvorri stofnun fyrir sig með aðsetur að starfsstöð stofnananna í Garðabæ.

Vegna skýrslu Hagfræðistofnunar Háskóla Íslands um þjóðhagsleg áhrif hvalveiða vill Náttúrufræðistofnun Íslands koma eftirfarandi á framfæri.

Hrafnaþing Náttúrufræðistofnunar Íslands verður haldið miðvikudaginn, 23. janúar kl. 15:15–16:00. Arne Sólmundsson verkfræðingur flytur erindið „Rjúpnagögn og gagn“. Arne er fulltrúi SKOTVÍS í samráðsnefnd um sjálfbærar veiðar og í forsvari fyrir fagráð SKOTVÍS um vöktun, rannsóknir og veiðistjórnun.

Náttúrufræðistofnun Íslands óskar eftir að ráða starfsmenn í tvær lausar stöður. Umsóknafrestur er til 15. febrúar 2019.