Samantekt frjómælinga sumarið 2019
Á Akureyri var heildarfjöldi frjókorna 4.945 frjó/m3 og voru grasfrjó langalgengust (59%). Hlutfall birkifrjóa var 16%, asparfrjóa 7% og súrufrjóa 2%. Tæplega 17% frjókorna voru af ýmsum tegundum sem jafnan ber lítið á. Flest frjókorn voru í lofti í ágústmánuði eða þriðjungur allra frjókorna.
Í Garðabæ var fjöldi frjókorna 2.393 frjó/m3 og var tæplega helmingur grasfrjó (48%). Hlutfall birkifrjóa var 19%, súrufrjóa 4% og asparfrjóa 1%. Frjókorn ýmissa tegunda sem jafnan ber lítið voru 28%. Flest frjókorn mældust í júlí (43%).