Talningar á heiðagæsum

14.10.2020
Heiðagæsir í Fljótshlíð, 30. apríl 2018
Mynd: Erling Ólafsson

Heiðagæsir í Fljótshlíð.

Heiðagæsir verða taldar hér á landi og á vetrarstöðvum á Bretlandseyjum 17.–18. október 2020. Náttúrufræðistofnun Íslands óskar eftir upplýsingum um allar gæsir sem vart verður við næstu daga.

Um áratugaskeið hafa gæsir verið taldar á vetrarstöðvum á Bretlandseyjum. Næstu helgi beinast talningar að heiðagæs. Náttúrufræðistofnun Íslands óskar eftir að fá upplýsingar um heiðagæsir sem fólk verður vart við hér á landi á næstu dögum, þar á meðal hvar þær sáust og mat á fjölda þeirra. Upplýsingarnar verða sendar samstarfsaðilum á Bretlandseyjum sem taka saman árlegar skýrslur um talningarnar.

Vinsamlegast sendið upplýsingar til Svenju N.V. Auhage (svenja@ni.is).