Kerlingarfjöll

Mörk

Svæðið afmarkast fyrst og fremst af fjallabálki þar sem víða er jarðhiti við yfirborð. Að norðan afmarkast svæðið við Hveradalshnúk og nær suður undir Kerlingardal og Gylfa. Að vestan nær svæðið að Kerlingartindi og þaðan austur fyrir Efri-Kisubotna.

Stærð

68,4 km²

Hlutfall lands: 100%

Svæðislýsing

Hálendur fjallaklasi með litríkum líparíttindum, jarðhita og stórbrotnu landslagi. Kerlingarfjöll er vinsælt útivistarsvæði og eru gönguleiðir víða um svæðið og að jarðhitasvæðum. Ferðaþjónusta er rekin í Ásgarði þar sem heitar uppsprettur eru nýttar til upphitunar á húsakynnum og til baða.

Forsendur fyrir vali

Fjallahveravist einkennir jarðhitasvæðin sem þó víða eru gróðurlítil. Gróður á svæðinu er strjáll en þar sem raka gætir í hvilftum og kvosum þrífast rakasæknar mosa- og háplöntutegundir. Í volgum lækjum vex laugasef og jarðhitamosinn laugaslyðra sést víða í þéttum breiðum.

Vistgerðir

Ógnir  

Vaxandi umferð ferðamanna er ein helsta ógn jarðhitasvæðisins og þess gróðurs sem þar vex.

Aðgerðir til verndar

Unnið hefur verið að friðlýsingu svæðisins undanfarin misseri. Takmarka og stýra umferð gangandi fólks.

Núverandi vernd

Kortasjá

Kerlingarfjöll í kortasjá

Útgáfudagsetning

5. apríl 2018, uppfært 14. maí 2018, 7. mars 2019.