Ferjubakkaflói–Hólmavað

Mörk

Flæðilönd, mýrar og engjar meðfram neðanverðri Hvítá, Norðurá og Gljúfurá í Borgarfirði, frá Ferjukoti og upp fyrir Sólheimatungu og að Hólmavaði í Norðurá.

Stærð

9,8 km²

Hlutfall lands: 91%
Hlutfall fersks vatns: 9%

Svæðislýsing

Á svæðinu eru víðáttumiklir flóar, flæðilönd og gróðursæl síki. Auk þess lygnar ár með ríkulegum botngróðri. Þarna er stundaður landbúnaður, stang- og skotveiði og  nokkur sumarhúsabyggð er við svæðið vestanvert.

Forsendur fyrir vali

Á svæðinu er stórar og heillegar mýrar með starungsmýravist. Mikið af andfuglum fer hér um og hefur svæðið til skamms tíma haft alþjóðlega þýðingu fyrir álft og blesgæs en báðar þessar tegundir leita nú á haustin í æ ríkara mæli í kornakra í nágrenninu.

Vistgerðir

Fuglar

 Sjá einnig ítarlegri umfjöllun um votlendissvæðið Ferjubakkaflói–Hólmavað.

Ógnir  

Dregið hefur mikið úr hefðbundnum landbúnaði á þessu svæði. Frístundabyggð, og þar með hætta á mengun yfirborðsvatns, er vaxandi sem og umferð fólks um svæðið.

Aðgerðir til verndar

Takmarka frekari framræslu og gæta þess að ekki verði byggt of nærri árbökkum. Endurheimt votlendis þar sem landnýting leyfir.

Núverandi vernd

Kortasjá

Ferjubakkaflói–Hólmvað í kortasjá

Útgáfudagsetning

5. apríl 2018, uppfært 26. maí 2020.