Lambeyrarkvísl

Svæðið er tilnefnt vegna ferskvatnsvistgerðar.

Lambeyrarkvísl á Íslandskorti
Lambeyrarkvísl á Hvítársíðu
Mynd: Ólafur Páll Jónsson

Lambeyrarkvísl.

Mörk

Liggur í Skógarhrauni, frá bökkum Hvítár, meðfram Lambeyrarkvísl og austur fyrir upptök hennar að Þrengslum.

Stærð

0,07 km2

Hlutfall lands: 88%
Hlutfall fersks vatns: 12%

Svæðislýsing

Svæði þar sem lindir koma undan hraunjaðri Skógarhrauns í Hvítársíðu. Lindarvatnið safnast saman í Lambeyrarkvísl sem sem rennur út í Hvítá. Svæðið einkennist af birkiskógi og hrauni og þykir náttúrufegurð þess mikil.  

Forsendur fyrir vali

Stærsta lindarsvæðið á þessum slóðum og finnast þar bæði dvergbleikjur og grunnvatnsmarflær. Bleikja gengur upp í ána til hrygningar. Í ánni eru tvö bleikjuafbrigði. Annars vegar er staðbundin dvergbleikja sem m.a. má finna í upptakalind árinnar þangað sem ekki er fiskgengt, og hins vegar er sjóbleikja úr Hvítá sem nýtir Lambeyrarkvísl sem hrygningarsvæði.

Visgerðir

Forgangsvistgerðir
  Vistgerð Km2 % af heildarflatarmáli
Ferskvatn Kaldar lindir <0,01 2

Ógnir  

Frístundabyggð, ferðamennska.

Aðgerðir til verndar

Tryggja vernd vistgerða. Til að ná fram skilvirkri vernd vatnavistgerða þarf að tryggja að jaðarsvæðum þeirra sé ekki raskað í að minnsta kosti allt að 100 m frá þeim.

Núverandi vernd

Engin.

Kortasjá

Lambeyrarkvísl í kortasjá

Útgáfudagsetning

5. apríl 2018.