Kvernufoss

Svæðið er tilnefnt vegna jarðminja.

Kvernufoss á Íslandskorti
Kvernufoss
Mynd: Olga Kolbrún Vilmundardóttir

Kvernufoss.

Kvernufoss
Mynd: Olga Kolbrún Vilmundardóttir

Kvernufoss.

Mörk

Mörk miðast við Kvernugil og nánasta umhverfi, allt frá gilsmynni að gildrögum í Laufatungum að efstu fossum í ánni Kvernu. Miðað er við 200 m jaðarsvæði frá miðlínu Kvernu.

Stærð

1,28 km2

Lýsing

Kvernufoss er vatnslítill en einkar fagur foss, um 40 m hár, fremst í Kvernugili í ánni Kvernu. Kvernugil opnast í Laufatungum neðst í Skógaheiði við jökulsandana, skammt austan við Skóga undir Eyjafjöllum. Það er um 100–200 m breitt, sorfið í gegnum móberg, og nær um 2 km inn á heiðina þar sem það greinist í tvennt til norðurs og austurs. Mikil fossaröð er í gljúfrinu sem liggur til norðurs og er Selvaðsfoss einn þeirra. Í austurhlutanum fellur Laufatungnaá fram af klettahafti þar sem gljúfrið opnast og nefnist fossinn Selfoss.

Auðvelt er að ganga upp að Kvernufossi. Hægt er að komast á bak við hann, en þar er hált og bergið laust í sér.

Flokkun

Grunnflokkur: Virk ferli landmótunar

Flokkur: Vatnafar og jöklar

Gerð: Foss, rofsfoss

Forsendur fyrir vali

Vatnslitlir en formfagrir fossar í móbergsgljúfrum. Kvernufoss er vinsæll viðkomustaður ferðamanna.

Ógnir

Aukin umferð ferðamanna. Fjöldi ferðamanna skoðar fossinn á hverju ári og er verulega farið að sjá á gróðri og jarðvegi í gljúfrinu.

Aðgerðir til verndar

Innviðauppbygging.

Núverandi vernd

Aðrar náttúruminjar Nr.
Kvernugil 712

Kortasjá

Kvernufoss í kortasjá

Útgáfudagsetning

3. desember 2020.