Hrafnaþing: Grænbók um líffræðilega fjölbreytni
Fyrsta Hrafnaþing vetrarins verður haldið miðvikudaginn 12. október kl. 15:15. Þá mun Snorri Sigurðsson sviðsstjóri náttúruverndar hjá Náttúrufræðistofnun Íslands greina frá forsendum og skipulagi vinnu við gerð grænbókar um líffræðilega fjölbreytni og stikla á stóru um helstu viðfangsefni hennar með áherslu á aðkomu og hlutverk stofnunarinnar.
Hrafnaþing er haldið í húsakynnum Náttúrufræðistofnunar að Urriðaholtsstræti 6–8 í Garðabæ, í Krummasölum á 3. hæð. Því er jafnframt streymt á Youtube-rás stofnunarinnar.
Allir velkomnir!