Sveppagreiningar

Myglusveppir innanhúss

Náttúrufræðistofnun Íslands býður upp á greiningu á myglusveppum bæði fyrir almenning og fyrirtæki og fara greiningarnar fram á starfsstöðvum stofnunarinnar í Garðabæ og á Akureyri. Æskilegt er að hafa samband við sveppafræðing símleiðis áður en sýni er sent til greiningar (símar 5 900 500 eða 4 600 500).

Almenningur

Þegar einstaklingur sendir sýni þarf að fylgja með sýninu eyðublað þar sem skráð er nafn, símanúmer og netfang þess sem greiðir fyrir þjónustuna og heimilisfang þar sem sýnið var tekið. Sendandi fær greiðsluupplýsingar frá stofnuninni í tölvupósti áður en kemur að greiningu sýnisins og eftir að greiðsla hefur borist inn á reikning Náttúrufræðistofnunar er sýnið greint og niðurstöður sendar í tölvupósti þegar þær liggja fyrir.

Mikilvægt er að sýnið sé vel pakkað, til dæmis í plastpoka með rennilás.

Sveppagreining fyrir almenning kostar kr. 5.500 hvert sýni.

Fyrirtæki

Þegar fyrirtæki eða húsfélag sendir sýni skal byrja á að senda tölvupóst á netfangið nia@ni.is með titlinum Verkbeiðni til Náttúrufræðistofnunar ásamt útfylltu eyðublaði með nafni, kennitölu, netfangi og heimilisfangi þess sem greiðir fyrir þjónustuna og á að fá niðurstöðurnar sendar. Þegar verkbeiðnin og sýnið hefur verið móttekið fær sendandi staðfestingu um það. Greinargerð um niðurstöður greiningarinnar er send í tölvupósti.

Mikilvægt er að sýnið sé vel pakkað, til dæmis í plastpoka með rennilás.

Sveppagreining fyrir fyrirtæki og húsfélög er unnin samkvæmt gjaldskrá Náttúrufræðistofnunar og er reiknað með að það taki sérfræðing að minnsta kosti eina klukkustund að greina hvert sýni.

 

Nánari upplýsingar um sveppi og myglusveppi.

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |