In General
Ættin finnst um veröld víða, 41 tegund er þekkt í 5 ættkvíslum. Í Evrópu eru aðeins 5 tegundir skráðar í 3 ættkvíslum, 2 tegundir á Norðurlöndum.
Litlar ryklýs (1,5-2 mm) sem koma fyrir með þrem mismunandi vængformum, með langa, stutta eða litla rýra vængi. Höfuð er langt og veit niður og er breitt á milli lítilla augna. Fætur eru langir og grannir, afturfætur greinilega lengri en egglaga þykkur afturbolurinn.
Ryklýs þessar lifa innanhúss á okkar slóðum, í rökum rýmum í baðherbergjum og kjöllurum. Nærast á myglusveppum og gróum þeirra.
Á Íslandi finnast tvær tegundir, þær sömu og á öðrum Norðurlöndum, í húsum.
Author
Erling Ólafsson 10. febrúar 2017.