Útbreiðsla
Finnst aðallega á Austurlandi, Vesturlandi, Vestfjörðum og á vestanverðu Norðurlandi, all sjaldséður í öðrum landshlutum (Bergþór Jóhannsson 1996a).Vistgerðir
Vex í kjarrlendi og skóglendi, í móum, hraunum, urðum og grónum skriðum, einnig í graslendi og á þúfum í mýrum (Bergþór Jóhannsson 1996a).Lýsing
Stórar plöntur, fjaðurgreindar, með frekar stuttum greinum (Bergþór Jóhannsson 1996a).
GróliðurPlöntur stórar, upp í 15 sm langar, fjaðurgreindar, með frekar stuttum greinum. Plöntur stinnar, uppréttar eða uppsveigðar, grænar, ljósgrænar eða gulleitar, glansandi. Stöngull rauðbrúnn. Stöngulblöð oftast 2-2,2 mm, langegglaga, kúpt, snubbótt og bogadregin að framan. Oft er grunnt smávik í blaðenda. Blöð aðlæg eða upprétt. Blöð heilrend en blaðrönd með ójöfnum fremst í blaði. Rif stutt, tvöfalt. Greinablöð smærri og mjórri en stöngulblöð (Bergþór Jóhannsson 1996a).
KynliðurPlöntur einkynja, afar sjaldan með gróhirslum. Stilkur 1,8-4 sm, rauður, rauðgulur eða rauðbrúnn. Gróhirsla brún eða rauðbrún, aflöng, bogin. Gróhirsla vísar oftast nokkurn veginn þvert á stilk. Lok hátt, keilulaga. Ytri tennur gulbrúnar, fínvörtóttar eða lárétt punktstrikóttar neðan til, gráleitar fremst. Innri krans ljósgulur. Innri tennur með aflöngum eða egglaga götum eftir miðju (Bergþór Jóhannsson 1996a).
FrumurFrumur í framhluta blaðs langar og mjóar með þykkum veggjum. Veggir eru stundum greinilega holóttir. Fremst í blaði eru frumur styttri og heldur breiðari. Frumur í blaðgrunni gular eða rauðgular (Bergþór Jóhannsson 1996a).
Útbreiðslukort
Höfundur
Bergþór Jóhannsson 2007
Vex í kjarrlendi og skóglendi, í móum, hraunum, urðum og grónum skriðum, einnig í graslendi og á þúfum í mýrum (Bergþór Jóhannsson 1996a).Biota
- Tegund (Species)
- Hrísmosi (Pleurozium schreberi)