Merki

Nýtt merki var tekið í notkun þegar lög um Náttúrufræðistofnunun nr. 54/2024 voru sett við sameiningu Landmælinga Íslands, Náttúrufræðistofnunar Íslands og Náttúrurannsóknastöðvarinnar við Mývatn.

Hrafninn prýðir merki Náttúrufræðistofnunar Íslands. Er það vel við hæfi því hrafninn er íslenskur fugl með sögu sem tengd er manninum, landnámi hans á Íslandi og búsetu. Sigurborg Stefánsdóttir myndlistarkona teiknaði merkið árið 1999.

Merki Náttúrufræðistofnunar Íslands er notað við almenna kynningu á starfsemi stofnunarinnar. Notkun á merkinu er öllum heimil með eftirfarandi skilyrðum:

• Merki Náttúrufræðistofnunar Íslands er notað á þann hátt sem það er sett fram hér á síðunni. Ekki má breyta letri, lit né taka það í sundur eða breyta uppsetningu.
• Gæta þarf að því að merkið njóti sín og ekki má fylla upp í flötinn sem það kemur á.
• Merki Náttúrufræðistofnunar Íslands er til í einni grunngerð, svartur hrafn á grænni þúfu og nafn stofnunarinnar með svörtu letri í hring, og skal nota það þannig.