Gjaldskrá
Gjaldskrá fyrir þjónustu Náttúrufræðistofnunar Íslands nr. 314/2024 er ákvörðuð af umhverfis- og auðlindaráðuneyti og er auglýst í Stjórnartíðindum.
GJALDSKRÁ
fyrir þjónustu Náttúrufræðistofnunar Íslands.
1. gr.
Gjald fyrir útselda vinnu sérfræðings.
Náttúrufræðistofnun Íslands innheimtir gjald samkvæmt gjaldskrá þessari fyrir rannsóknir og ráðgjöf sem falla undir 4. gr. laga nr. 60/1992 um Náttúrufræðistofnun Íslands og náttúrustofur samkvæmt 5. gr. laga nr. 60/1992. Gjald fyrir hverja klukkustund skal vera eftirfarandi án vsk:
a) Fyrir sérfræðinga I kr. 20.800
b) Fyrir sérfræðinga II kr. 18.600
c) Fyrir sérfræðinga III kr. 16.400
2. gr.
Skordýra- og sveppagreiningar.
Náttúrufræðistofnun Íslands innheimtir gjald fyrir greiningu á skordýrum og myglusveppum samkvæmt 5. gr. laga nr. 60/1992.
Gjaldið skal vera kr. 4.100 fyrir skordýragreiningu til almennings.
Fyrir greiningu á myglusveppum í mannvirkjum skal innheimta tímagjald skv. 1. gr. gjaldskrárinnar.
3. gr.
Útgáfa rita.
Náttúrufræðistofnun Íslands innheimtir gjald fyrir útgáfu rita samkvæmt 5. gr. laga nr. 60/1992. Gjald fyrir hvert rit skal vera eftirfarandi án vsk:
a) Fyrir fjölrit Náttúrufræðistofnunar kr. 1.700
b) Fyrir Blika kr. 2.000
4. gr.
Útflutningsleyfi fyrir rannsóknarsýni.
Náttúrufræðistofnun Íslands innheimtir gjald vegna útgáfu á útflutningsleyfi fyrir rannsóknarsýni samkvæmt. 5. gr. laga nr. 60/1992.
Gjaldið skal vera kr. 58.500
5. gr.
Útflutningsleyfi fyrir minjagripi og uppstoppuð dýr.
Náttúrufræðistofnun Íslands innheimtir gjald vegna útgáfu á útflutningsleyfi til almennings fyrir minjagripi og uppstoppuð dýr samkvæmt 5. gr. laga nr. 60/1992.
Gjaldið skal vera kr. 8.400.
6. gr.
Lagastoð og gildistaka.
Gjaldskrá þessi er sett samkvæmt heimild í 5. gr. laga nr. 60/1992 um Náttúrufræðistofnun Íslands og náttúrustofur.
Gjaldskráin öðlast þegar gildi. Frá sama tíma fellur úr gildi gjaldskrá nr. 178/2023 fyrir þjónustu Náttúrufræðistofnunar Íslands.
Umhverfis- og auðlindaráðuneytinu, 20. febrúar 2024.
F. h. r.
Sigríður Svana Helgadóttir
Kjartan Ingvarsson
B deild - Útgáfud.: 11. mars 2024