Þúfusteinbrjótur (Saxifraga cespitosa)

Útbreiðsla

Vistgerðir

Lýsing

Lágvaxin jurt (5–15 sm) með þúfumyndandi blaðhvirfingum og hvítleitum, fimmdeildum blómum. Blómgast í maí–júní.

Blöðin í þéttum litlum hvirfingum á stuttum, oft þúfumyndandi blaðsprotum, niðurmjó og frambreið með þrem til fimm odddregnum tönnum að framan. Stöngullinn þéttsettur rauðum kirtilhárum (Hörður Kristinsson 1998).

Blómin eru 8–15 mm í þvermál. Krónublöðin hvít eða rjómagul, um helmingi lengri en bikarblöðin. Fræflar tíu, frævan klofin í toppinn með tveim stílum (Hörður Kristinsson 1998).

Þúfusteinbrjót er oft skipt í tvær deilitegundir, ssp. caespitosa og ssp. secipiens, sem sumir telja sjálfstæðar tegundir og hefur sú síðarnefnda verið nefnd toppasteinbrjótur (Saxifraga rosacea) (Hörður Kristinsson 1998).

Líkist helst mosasteinbrjót en hann hefur langa, gisblöðótta blaðsprota auk þess sem hann er heldur stærri og ber stærri blóm.

Útbreiðslukort

Höfundur

Hörður Kristinsson 2007