Búrfellshraun – Málþing til minningar um Guðmund Kjartansson jarðfræðing

16.05.2013

Þriðjudaginn 21. maí 2013 verður haldið málþing tileinkað minningu Guðmundar Kjartanssonar jarðfræðings en síðasta rannsóknarverkefni hans var aldursgreining og kortlagning Búrfellshrauns sem er samheiti á mörgum hraunum í Garðabæ og Hafnarfirði og runnið hafa frá Búrfellsgíg til sjávar. Guðmundur lést árið 1972.

Guðmundur Kjartansson

Málþingið verður haldið í húsakynnum Náttúrufræðistofnunar Íslands að Urriðaholtsstræti 6-8 í Garðabæ. Það stendur frá kl. 13:15 til 16:15 og að því loknu verður farið að Bala, á bæjamörkum Garðabæjar og Hafnarfjarðar og neðan Hrafnistu, þar sem bæjarstjórar Garðabæjar og Hafnarfjarðar, kynna sameiginlegt verkefni.

Að málþinginu standa Garðabær og Hafnarfjarðarbær, félagið Hraunavinir og Náttúrufræðistofnun Íslands.

Dagskrá:

  1. Búrfellshraun og eldstöðvakerfi Krýsuvíkur. Kristján Jónasson jarðfræðingur
  2. Guðmundur Kjartansson og störf hans. Lovísa Ásbjörnsdóttir jarðfræðingur
  3. Faðir minn, Guðmundur Kjartansson. Solveig Guðmundsdóttir
  4. Örnefni í hraunalandslagi (Búrfellshraun) – hvaða máli skipta þau? Reynir Ingibjartsson og Jónatan Garðarsson
  5. Fornminjar í Búrfellshrauni. Ragnheiður Traustadóttir fornleifafræðingur
  6. Verndun Búrfellshrauns. Arinbjörn Vilhjálmsson skipulagsstjóri Garðabæjar
  7. Ógnir við hraun. Sigmundur Einarsson jarðfræðingur

Málþingsstjóri: Ólafur G. Einarsson, fyrrverandi ráðherra.

Aðgangur er ókeypis en æskilegt að skrá sig hjá Náttúrufræðistofnun Íslands í síma 5 900 500.