Náttúrufræðistofnun nýtur áfram trausts meðal landsmanna

10.03.2020
Hrafn
Mynd: Erling Ólafsson

Hrafn.

Landsmenn bera áfram mikið traust til Náttúrufræðistofnunar Íslands samkvæmt nýrri könnun Gallup. Samkvæmt henni nýtur stofnunin mikils trausts 59% landsmanna.

Stofnunin hefur tekið þátt í sömu könnun síðan 2007, að árinu 2013 undanskildu, og er hún áfram meðal þeirra stofnanna sem nýtur hvað mest trausts. Markmiðið með könnuninni er að kanna traust almennings til Náttúrufræðistofnunar Íslands og þróun á því, auk þess að bera niðurstöður saman við aðrar stofnanir.

Náttúrufræðistofnun Íslands nýtur mikils trausts 59% landsmanna, þar af bera um 9% fullkomið traust til stofnunarinnar, 21% mjög mikið traust og 30% frekar mikið traust. Þetta eru mjög svipaðar niðurstöður og fengust úr könnuninni árið 2019 en þá naut stofnunin einnig mikils traust 59% landsmanna. Hlutlausum fækkaði um eitt prósentustig milli ára, úr 37% í 36% en fjöldi þeirra sem bera lítið traust til stofnunarinnar jókst úr 4% í 5%

Í samanburði við aðrar stofnanir kemur Náttúrufræðistofnun ágætlega út. Hún er fyrir ofan meðaltalið og er á róli með Háskóla Íslands og Umboðsmanni Alþingis.

Niðurstöður Gallupkönnunar á trausti almennings til Náttúrufræðistofnunar Íslands

59% landsmanna bera mikið traust til Náttúrufræðistofnunar Íslands.

Niðurstöður Gallupkönnunar á trausti almennings til Náttúrufræðistofnunar Íslands

Náttúrufræðistofnun Íslands nýtur svipaðs trausts og Háskóli Íslands og Umboðsmaður Alþingis.