4. nóvember 2015. Birgir Vilhelm Óskarsson: Nýtt jarðfræðikort af Austurlandi í mælikvarða 1:100.000

Birgir Vilhelm Óskarsson

Birgir Vilhelm Óskarsson

Birgir V. Óskarsson jarðfræðingur hjá Náttúrufræðistofnun Íslands flytur erindið „Nýtt jarðfræðikort af Austurlandi í mælikvarða 1:100.000“ á Hrafnaþingi miðvikudaginn 4. nóvember kl. 15:15.

 
 
 
 

Í erindinu verður fjallað um útgáfu nýs jarðfræðikorts af Austurlandi í 1:100.000 sem nær yfir svæði frá Berufirði yfir í Mjóafjörð. Það sýnir þrjár útkulnaðar megineldstöðvar: Breiðdalseldstöðina, Reyðarfjarðareldstöðina og Þingmúlaeldstöðina. Kortið er að mestu byggt á jarðfræðikortum breska jarðfræðingsins G.P.L. Walkers sem starfaði á Austurlandi á árunum 1954–1965. Einnig voru tekin saman kort eftir aðra jarðfræðinga sem og skýrslur frá jarðfræðistofum. Jarðfræðikortið var unnið samhliða doktorsverkefni Birgis Vilhelms.

Í erindinu verður einnig greint frá niðurstöðum rannsókna á jarðfræði Austurlands. Rannsóknirnar hafa vakið upp ýmsar hugmyndir um upprunasvæði hraunsyrpa í jarðlagastaflanum, flæðiferli hrauna og áætlað kvikustreymi úr gosrás forneldstöðvanna. Þá verður fjallað um gerð nýs líkans um samspil möttulstróksins og rekbeltisins sem býður upp á mögulegar úrlausnir í túlkun á jarðfræði Íslands.

Fyrirlesturinn á YouTube

Teigagerðistindur, Reyðarfirði
Mynd: Birgir Vilhelm Óskarsson

arðlagastafli Austfjarða einkennis af „flæðibasalti“ sem eru víðáttumikil hraunlög sem myndast hafa í stórgosum á Míósen. Dæmi um það má meðal annars sjá í Teigagerðistindi, Reyðarfirði.

Jarðfræðirannsóknir og kortlagning á jarðfræði Austurlands, í Grænafelli, Reyðarfirði.
Mynd: Morten S. Riishuus

Jarðfræðirannsóknir og kortlagning á jarðfræði Austurlands árin 2010–2015. Myndin sýnir botn á bergangi sem skaust á ská frá sínum upprunastað. Grænafell, Reyðarfjörður.