Brönugrös (Dactylorhiza maculata)

Útbreiðsla

Vistgerðir

Lýsing

Fremur lágvaxin planta (15–25 sm), með dröfnóttum lensulaga blöðum og bleikum í klasa. Blómstrar í júní–júlí.

Stöngullinn blöðóttur. Blöðin lensulaga, stór, 6–10 sm á lengd og 1–2 sm á breidd, greipfætt, hárlaus, oftast alsett dökkum blettum á efra borði, efstu blöðin minni (Hörður Kristinsson 1998).

Blómin eru í klasa, purpurarauð, óregluleg, af blómhlífarblöðunum vísa fimm upp en stærsta krónublaðið vísar niður og myndar neðri vör. Hún er með dökkrauðum dröfnum og rákum, þríflipuð að framan, með tveim ávölum, breiðum hliðarsepum og einum mjóum miðsepa. Frævan gárótt og snúin, situr neðan undir blómhlífinni þar sem blómin eru yfirsætin. Blómin eru þó afar breytileg, sums staðar eru þau með stuttu blómaxi, annars staðar með löngu og stóru axi (Hörður Kristinsson 1998). Teikningin í mynstri blómanna er einnig mjög fjölbreytileg (Hörður Kristinsson - floraislands.is).

Líkist engri annarri íslenskri tegund.

Útbreiðslukort

Myndir

Höfundur

Hörður Kristinsson 2007