Kjarrhveiti (Elymus alopex)

Útbreiðsla

Vistgerðir

Lýsing

Hávaxin grastegund (40–90 sm) með löngu, grænu eða blámenguðu axi. Blómgast í júlí.

Blöðin breið, 4–10 mm, hærð á efra borði, slíðurhimna engin (Hörður Kristinsson 1998).

Axið 6–12 sm langt. Axið grænt eða blámengað. Smáöxin oftast þríblóma, það efsta ófrjótt. Axagnir 10–20 mm langar, lensulaga með langa týtu í endann, gis- og stutthærðar með þrem til sex upphleyptum taugum. Neðri blómögn með týtu sem er töluvert lengri en ögnin (Hörður Kristinsson 1998).

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Líkist bláhveiti en þekkist á axögnunum og lengri týtum.

Útbreiðslukort

Myndir

Höfundur

Hörður Kristinsson 2007