Sauðamergur (Loiseleuria procumbens)

Útbreiðsla

Almennt

Litur blómanna heldur sér óvenju vel við þurrkun (Hörður Kristinsson 1998). Sauðamergur hefur einnig verið kallaður limur (Ágúst H. Bjarnason 1994).

Vistgerðir

Lýsing

Lágvaxin, sígræn planta, um 5 sm á hæð en annars jarðlæg. Blómstrar bleikum blómum í júní.

Sprotarnir eru trékenndir, mest jarðlægir og uppsveigðir, upprétti hlutinn oft um 5 sm. Blöðin gagnstæð, 6–7 mm á lengd, stuttstilkuð, 1–2 mm á breidd, hörð, sígræn, gljáandi á efra borði, með innbeygðum röndum að neðan og gildu miðrifi og verða aðeins mjóar skorur sitt hvoru megin við rifið að blaðröndunum. Ein djúp skora er yfir miðrifinu á efra borði (Hörður Kristinsson 1998).

Blómin eru um 4–6 mm í þvermál. Krónan samblaða, kllofin nær niður til miðs, bleik eða fagurljósrauð. Bikarinn dökkrauður, djúpklofinn með sljóyddum flipum. Fimm til átta fræflar með dökkum frjóhirslum. Ein fræva með einum stíl og tveim til þrem rýmum (Hörður Kristinsson 1998).

Hýðisaldin (Hörður Kristinsson 1998).

Minnir óblómgaður ofurlítið á krækilyng og enn meira á fjallabrúðu. Blöð sauðamergs má þekkja á hinni tvöföldu skoru á neðra borði, þau breikka einnig meira um miðjuna en krækilyngsblöð. Auðþekkt í blóma.

Útbreiðslukort

Myndir

Höfundur

Hörður Kristinsson 2007