Brekkumaríustakkur (Alchemilla glabra)

Vistgerðir

Lýsing

Stórvaxin jurt (30–60 sm) með smáum gulgrænum blómum, stórum handstrengjóttum blöðum með reglulega tenntum sepum.

Aðlæg hár á neðsta hluta stöngulsins, blaðstilkunum (eða hárlausir) en ekki alveg að blöðkunni og á allra ystu æðstrengjunum á neðra borði blaða. Blöð stór, nýrlaga, nokkuð breið með tiltölulega breiðu gapi. Blaðseparnir þríhyrningslaga, oftast með 13–15 breiðar tennur, þær ystu á sepanum eru þó oft stuttar og litlar (Lid og Lid 2005).

Blómin í stórum kvíslskúfum, fjórdeild, sjaldan fimmdeild, lítil, græn til gulgræn, án krónublaða. Bikarinn með utanbikarblöð. Fjórir fræflar. Eitt fræblað (Lid og Lid 2005).

Aldinið er hneta (Lid og Lid 2005).

Útbreiðslukort

Höfundur

Hörður Kristinsson 2007