Útbreiðsla
Algeng í sumum landshlutum, einkum á Suður- og Vesturlandi og í Eyjafirði (Hörður Kristinsson 1998).Almennt
Áður fyrr var mjaðjurt notuð við gerð mjaðar. Mjaðarkerin voru smurð að innan með blöðunum og þau jafnframt notuð sem krydd í ölið. Eins var mjaðjurt notuð til að komast að því hver hefði gerst sekur um stuld (Ágúst H. Bjarnason 1994).
NytjarMjaðjurt hefur verið notuð sem lækningjurt gegn miklum magasýrum, sárum og bólgum í maga. Eins er hún góð gegn gigt og bólgu í liðum, vöðvum og taugum (Arnbjörg Linda Jóhannsdóttir 1998).
LíffræðiMjaðjurt inniheldur m.a. barksýrur og ilmolíur sem aftur innihalda salisýlaldehýð og salisýl (Arnbjörg Linda Jóhannsdóttir 1998).
Vistgerðir
Deigir grasmóar, graslautir, skóglendi eða mýrar.Lýsing
Hávaxin (30–70 sm), kraftmikil planta með smáum, ilmríkum, hvítum blómklösum. Blómgast í júlí.
BlaðBlöðin stakfjöðruð, bilbleðótt, stilkuð, með axlablöðum við blaðfótinn. Smáblöðin tennt, dökkgræn og gljáandi á efra borði en ljósgrágræn og þétt- og stuttloðin á neðra borði, endasmáblöðin þrískipt (Hörður Kristinsson 1998).
BlómBlómin mörg saman í sveipkenndum skúfum, 6–8 mm að stærð, fimmdeild, mjólkur- eða gulhvít. Krónublöðin naglmjó, ávöl í endann, töluvert lengri en bikarblöðin sem eru oddmjó, hærð að utan. Fræflar allmargir. Frævur nokkrar saman í þyrpingu í miðju blómsins, hver um sig með einum stíl og þykku fræni í toppinn (Hörður Kristinsson 1998).
GreiningLíkist engri annarri íslenskri tegund.
Útbreiðslukort
Myndir
Höfundur
Hörður Kristinsson 2007
Deigir grasmóar, graslautir, skóglendi eða mýrar.Biota
- Tegund (Species)
- Mjaðjurt (Filipendula ulmaria)