Útbreiðsla
Blöðrujurtin hefur verið á undanhaldi síðustu áratugi, bæði vegna þurrkunar lands og vegna þess að menn eru hættir að taka mó. Annars finnst hún dreift um landið (Hörður Kristinsson - floraislands.is).Vistgerðir
Einkum vex hún í gömlum mógröfum og í kyrru vatni í mýrarpollum eða blautum flóum innan um stör og vatnssósa mosa (Hörður Kristinsson 1998 og floraislands.is).Lýsing
Rótarlaus vatnajurt, um 10–20 sm löng, með veiðiblöðrur sem hún veiðir í smádýr. Blómgast venjulega í ágúst en blómgast oft ekki hérlendis.
BlaðJurtin er rótalaus. Blaðsprotar marggreindir og hafa tálknkennd, greind blöð með oddmjóum flipum. Blöðin hafa hver um sig eina eða fleiri örsmáar (1,5–2 mm) veiðiblöðrur með opi sem loka er fyrir. Smádýr sogast inn í blöðruna vegna undirþrýsings í henni ef lokan opnast skyndilega við ertingu hára utan á henni (Hörður Kristinsson 1998).
BlómBlómstöngullinn uppréttur með fáum blómum, gulum og heilkrýndum. Krónan varaskipt, 7–10 mm löng, með spora, blómginið þröngt (Hörður Kristinsson 1998).
GreiningLíkist engri annarri íslenskri tegund, auðþekkt á blöðrunum.
Útbreiðslukort
Myndir
Höfundur
Hörður Kristinsson 2007
Einkum vex hún í gömlum mógröfum og í kyrru vatni í mýrarpollum eða blautum flóum innan um stör og vatnssósa mosa (Hörður Kristinsson 1998 og floraislands.is).Biota
- Tegund (Species)
- Blöðrujurt (Utricularia minor)