Arnarvatnsheiði

Kortasjá

Opna í kortasjá – Open in map viewer

English summary

Arnarvatnsheiði wetland and lake studded plateau, NW-Iceland, is internationally important for Gavia immer (75 territories) and Cygnus cygnus breeding (639 pairs) and moulting (1,236 birds).

Arnarvatnsheiði og Tvídægra eru víðáttumikið og vel gróið heiðaflæmi sem liggur milli Borgarfjarðar og Húnavatnssýslu, 400−600 m y.s. og hækkar eftir því sem austar dregur. Mýrar og flóar eru víða og fjöldi vatna og tjarna. Mikið fuglalíf er á Arnarvatnsheiði og er hún alþjóðlega mikilvægt varpsvæði himbrima (75 óðul) og álftar (639 pör). Álftamergð á fjaðrafellitíma uppfyllir einnig alþjóðleg viðmið (1.236 fuglar). Meðal annarra tegunda sem verpa í talsverðum mæli á svæðinu eru lómur, gróflega áætlað 25 pör eða tæp 2% íslenska stofnsins, duggönd og hávella.

Svæðið er að meginhluta á náttúruminjaskrá og IBA-skrá.