![Mynd af Einir (Juniperus communis) Mynd af Einir (Juniperus communis)](/sites/default/files/styles/original_medium/public/externals/a2339fe9e3f727a69868cfe283a0b5ff.jpg?itok=lCoQG_S4)
Útbreiðsla
Einirinn er fremur algengur um nær allt landið, þó er lítið af honum í Húnavatnssýslum, Rangárvallasýslu og í Skaftafellssýslu vestanverðri (Hörður Kristinsson - floraislands.is).Vistgerðir
Mólendi, hraun, kjarr og brekkubrúnir.Lýsing
Fremur lágvaxinn runni (30–120 sm) með nállaga blöð, eina villta barrtréð á Íslandi.
BlaðRunni með nállaga blöð, oftast jarðlægur en myndar stundum upprétta runna. Nálarnar 8–12 mm á lengd, 1–2 mm breiðar, oddhvassar, íhvolfar eða grópaðar ofan en með kili að neðan (Hörður Kristinsson 1998).
BlómBlómin einkynja í sérbýli. Karlblómin mörg saman í örsmáum (2–3 mm) könglum í blaðöxlunum. Köngulblöðin móleit, þrístrend til tígullaga. Kvenblómin myndast einnig í örsmáum könglum, aðeins þrjú efstu blöð þeirra eru frjó (Hörður Kristinsson 1998).
AldinHin frjóu blöð kvenkönglanna (þrjú efstu) vaxa saman í stórt berkennt aldin sem er um 8 mm í þvermál, í fyrstu grænt en verður dökkblátt fullþroskað. Neðri köngulblöðin eru dvergvaxin og mynda í sameiningu smábrodd sem er áfastur við berið neðst (Hörður Kristinsson 1998).
GreiningLíkist engri annarri íslenskri tegund.
Útbreiðslukort
![Útbreiðsla - Einir (Juniperus communis) Útbreiðsla - Einir (Juniperus communis)](/sites/default/files/styles/original_medium/public/externals/ff2559dea2a0c689ee7fbf54bca7e733.jpg?itok=sAUnckol)
Myndir
![Mynd af Einir (Juniperus communis) Mynd af Einir (Juniperus communis)](/sites/default/files/styles/original_medium/public/externals/567566786d8d84da6dc7f9e292abfc05.jpg?itok=17nW28mk)
![Mynd af Einir (Juniperus communis) Mynd af Einir (Juniperus communis)](/sites/default/files/styles/original_medium/public/externals/715574068b9734318e7f0fe5b093420b.jpg?itok=WAe1TyO1)
Höfundur
Hörður Kristinsson 2007
Mólendi, hraun, kjarr og brekkubrúnir.Biota
- Tegund (Species)
- Einir (Juniperus communis)