![Mynd af Fjallalójurt (Antennaria alpina) Mynd af Fjallalójurt (Antennaria alpina)](/sites/default/files/styles/original_medium/public/externals/2352028b72beec4411ba48c9751fa991.jpg?itok=M19JKo0O)
Útbreiðsla
Fjallalójurt er fremur sjaldgæf og finnst aðeins á hinu landræna svæði hálendisins norðan jökla og um austanvert norðurland. Hún vex stundum hátt til fjalla (hæst 1070 m á Kirkjufjalli við Hörgárdal) en er einstöku sinnum einnig á melum á láglendi (Hörður Kristinsson - floraislands.is).Vistgerðir
Melkollar eða þurrar melbrekkur á láglendi eða í grýttum jarðvegi til fjalla (Hörður Kristinsson 1998).Lýsing
Fremur smávaxin jurt (5–12 sm) með smáum, gráloðnum, oddbaugóttum blöðum. Blómgast í júní.
BlaðStöngullinn lóhærður, blöðóttur; flest blöðin stofnstæð í hvirfingu, frambreið (2–3 mm) með stuttum broddi í endann (Hörður Kristinsson 1998).
BlómBlómin einkynja í sérbýli, mörg saman í litlum (5 mm), þéttstæðum körfum sem líkjast brúsk af gráum hárum. Reifablöðin 3–5 mm löng, græn við fótinn en brúnleit eða svarbrún ofan til, lensulaga. Krónan gul á karlblómum, purpurarauð á kvenblómum, hárfín (0,1 mm), 3–4 mm á lengd, umkringd fjölmörgum hvítum hárum (svifkrans). Stíllinn stendur upp úr krónupípunni á kvenblómunum; klofið fræni (Hörður Kristinsson 1998).
AldinFræ með svifkrans (Lid og Lid 2005).
GreiningHún líkist fljótt á litið grámullu sem er miklu algengari. Fjallalójurtin hefur breiðari blöð og vex ekki í snjódældum (Hörður Kristinsson 1998).
Útbreiðslukort
![Útbreiðsla - Fjallalójurt (Antennaria alpina) Útbreiðsla - Fjallalójurt (Antennaria alpina)](/sites/default/files/styles/original_medium/public/externals/300ea616e85cfb48fd60eccc8cf47d48.jpg?itok=mx66UnmQ)
Höfundur
Hörður Kristinsson 2007
Melkollar eða þurrar melbrekkur á láglendi eða í grýttum jarðvegi til fjalla (Hörður Kristinsson 1998).