Ráðherra heimsótti starfsstöð Náttúrufræðistofnunar í Garðabæ

Jóhann Páll Jóhannsson, umhverfis-, orku- og loftslagsráðherra, heimsótti starfsstöð Náttúrufræðistofnunar í Garðabæ ásamt ráðuneytisstjóra, skrifstofustjóra og aðstoðarmönnum sínum miðvikudaginn 26. febrúar síðast liðinn.

Tilgangur heimsóknarinnar var að kynna sér hlutverk og starfsemi Náttúrufræðistofnunar og að hitta starfsfólk. Ráðherra ávarpaði starfsfólk á sal, drakk með þeim kaffi og því næst var húsnæði Náttúrufræðistofnunar skoðað. Litið var inn í öll vísindasöfn sem varðveita mikilvæga þekkingu um íslenska náttúru. Að lokum fundaði ráðherra og föruneyti með forstjóra og sviðsstjórum um helstu áhersluverkefni stofnunarinnar.

Við þökkum kærlega fyrir komuna!