Válistaflokkun spendýra er unnin í samræmi við hættuflokka  Alþjóðlegu náttúruverndarsamtakanna (IUCN) frá árinu 2017, leiðbeiningar IUCN um válistamat og leiðbeiningar við gerð svæðisbundinna válista.

Tegundum er raðað eftir stafrófsröð innan hvers flokks og vísindaheiti eru samkvæmt fyrirmælum IUCN.

Nánari útskýringar á flokkun hverrar tegundar er  að finna í umfjöllun um hverja tegund en einnig er hægt að skoða nánari útskýringar um mat spendýra á válista.

Alls er vitað um 52 tegundir land- og sjávarspendýra  í náttúru landsins. Við gerð válista Náttúrufræðistofnunar var lagt mat á 18 þessara tegunda, hinar voru ekki metnar (NA). Tegund er ekki metin vegna eftirfarandi: (a) ekki er um villta tegund að ræða, tegundin er innflutt og telst ekki til íslenskrar fánu. (b) ef um flökkutegund er að ræða, hvort sem um reglubundnar heimsóknir er að ræða eða fáein tilfelli. (c) tegund er á jaðri útbreiðslusvæðis síns á því svæði sem lagt er mat á og/eða yfirleitt er aðeins um örfáa einstaklinga að ræða.

Vegna fjölda sjávarspendýra var válistinn unninn í samvinnu við sérfræðinga Hafrannsóknastofnunar, Gísla A. Víkingsson og Söndru M. Granquist.

Á válista íslenskra spendýra er ein tegund flokkuð sem útdauð á Íslandi (RE), tvær tegundir eru í bráðri hættu (CR), ein tegund er í hættu (EN) og ein tegund í nokkurri hættu (VU). Auk þess eru tvær tegundir sem mögulega gætu lent á válista en gögn vantar til að meta það með vissu, þær tegundir fara því í flokkinn (DD),  gögn vantar. Þrjár tegundir flækinga (NA) eru á heimsválista. Tólf íslenskar tegundir eru ekki í hættu (LC) samkvæmt viðmiðum IUCN.

Tegund útdauð á Íslandi (RE)

Tegund í bráðri hættu (CR)

Tegundir í nokkurri hættu (VU)

Gögn vantar (DD)

Tegundir metnar en ekki í hættu (LC)

Tegundir á heimsválista sem eru flækingar eða innfluttar tegundir á Íslandi (NA)

Tegundir ekki metnar (NA)