Fréttir

Hrafnaþing: Hrafnar í Landnámi Ingólfs

19.02.2019
Hrafn
Mynd: Erling Ólafsson

Hrafn.

Hrafnaþing Náttúrufræðistofnunar Íslands verður haldið miðvikudaginn 20. febrúar kl. 15:15–16:00. Kristinn Haukur Skarphéðinsson dýravistfræðingur flytur erindið „Hrafnar í Landnámi Ingólfs: breytingar á búsetu og stofnstærð 1982–2017“. 

Í Landnámi Ingólfs, sem nær frá Ölfusá í austri og vestur og norður til Hvalfjarðar, eru þekkt um 220 óðul hrafna og væntanlega verpa þar um eða yfir 100 pör á ári hverju. Fylgst var með hrafnavarpi á þessu svæði 1982–1987 og síðan samfellt frá 2009. Jafnframt hafa margir hrafnar verið merktir á þessu tímabili. Í fyrirlestrinum verður greint frá þessum rannsóknum og helstu niðurstöðum.

Útdráttur úr erindinu

Hrafnaþing er haldið í húsakynnum Náttúrufræðistofnunar að Urriðaholtsstræti 6–8 í Garðabæ, í Krummasölum á 3. hæð. Því er jafnframt streymt á Youtube-rás stofnunarinnar.