Svæðið er tilnefnt vegna ferskvatnsvistgerðar og fugla.

Mörk
Suðurá frá upptökum í Suðurárbotnum, ásamt Svartárvatni og Svartá, og 100 m verndarjaðri meðfram bökkum árinnar.
Lýsing
Upptök Suðurár er í lindum í Suðurárbotnum, um 450 m h.y.s., í norðvesturjaðri Ódáðahrauns. Áin fellur til norðurs og sameinast þá Svartá, sem rennur úr Svartárvatni, og rennur í Skjálfandafljót. Þrátt fyrir að umhverfi þessara vatnsfalla sé víðast hvar blásin hraun, þá eru þau lífrík. Veiði er í ánum, aðallega urriði, og sauðfjárbeit á bökkum þeirra.
Forsendur fyrir vali
Hreinar lindár með og án stöðuvatnsáhrifa og er árfarvegurinn mosagróinn hraunbotn. Þar er fjöldi húsanda á varptíma og á vetrum nær stofninn alþjóðlegum verndarviðmiðum. Einnig er þar mikið af straumönd á varptíma. Í Suðurárbotnum og í lindum sem renna í Svartárvatn hafa fundist grunnvatnsmarflær.
Vistgerðir
Vistgerð | km2 | Hlutfall af heildarflatarmáli (%) | |
---|---|---|---|
Ferskvatn | 46,90
|
Fuglar - Votlendi og önnur svæði
Nafn | Árstími | Fjöldi (pör) | Ár | Hlutfall af íslenskum stofni (%) |
---|---|---|---|---|
Húsönd (Bucephala islandica) | Varp | 125
|
2016 | 6,0
|
Ógnir
Fiskveiðar og áform um virkjanir.
Aðgerðir til verndar
Koma þarf í veg fyrir að lykilbúsvæðum húsanda og straumanda verði raskað með virkjunum eða gálausri umferð um svæðið.
Núverandi vernd
Núverandi verndarsvæði | Staða |
---|---|
Vatnajökull National Park | Þjóðgarður |
Útgáfudagsetning
Gefið út: 2018-04-05 Síðast uppfært: 2020-05-26