Veiðivötn

Mörk

Vatnaklasi suðvestan við Vatnajökul, á milli Þórisvatns og Tungnaár. Norðvesturmörkin liggja frá Drekavatni um Vatnaöldur að Tungnaá norðan Irpuvers og fylgja ánni suðvestan Snjóöldufjallgarðs að Klakkafelli.

Lýsing

Fagurt og sérkennilegt landslag í um 600 m h.y.s. sem mótað er af eldvirkni. Fjöldi vatna sem mörg hver eru í gömlum eldgígum og er land nokkuð vel gróið næst þeim, en annars er svæðið mikið til gróðursnautt. Mosar eru ríkjandi. Skötuormur, stærsti hryggleysingi sem finnst í ferskvatni hérlendis, lifir þarna í tjörnum. Svæðið er afar vinsælt til stangveiða og og einnig eru netaveiðar stundaðar af veiðiréttarhöfum.

Forsendur fyrir vali

Fjölskrúðugt fuglalíf og ná himbrimi og húsönd alþjóðlegum verndarviðmiðum á varptíma og eins húsönd að vetri. Mikið af duggönd fellir fjaðrir síðsumars.

Fuglar - Votlendi og önnur svæði

Ógnir

Ferðamennska, silungsveiði og vatnsaflsvirkjanir.

Aðgerðir til verndar

Setja reglur um umgengni við viðkvæm búsvæði fugla og draga úr netadauða á himbrima. Tryggja að vatnsaflsvirkjanir skerði ekki svæðið.

Núverandi vernd

Útgáfudagsetning