Frjómælingar hafa staðið yfir á Akureyri og í Garðabæ síðan í mars. Á báðum stöðum var lítið af frjókornum í lofti í mars og apríl en í maí fjölgaði þeim hratt og voru yfir meðallagi.

Ársskýrsla Náttúrufræðistofnunar Íslands fyrir árið 2021 er komin út á rafrænu formi. Í skýrslunni er að finna gott yfirlit yfir fjölbreytta starfsemi stofnunarinnar og tölulegar rekstrarupplýsinar.

Rjúpnatalningum á vegum Náttúrufræðistofnunar Íslands vorið 2022 er lokið. Eindregin uppsveifla í stofnstærð greindist í öllum landshlutum nema á austanverðu landinu.

Í gær, 22. maí, var alþjóðlegur dagur líffræðilegrar fjölbreytni. Slagorð dagsins var „Að byggja upp sameiginlega framtíð fyrir allt líf.“

Streymisveitan Netflix hefur birt nýja þáttaröð sem ber heitið „Wild Babies“. Í einum þáttanna koma við sögu íslenskir refir á Hornströndum en Ester Rut Unnsteinsdóttir spendýravistfræðingur hjá Náttúrufræðistofnun Íslands veitti aðstoð við kvikmyndatökuna þar.

Landsmenn bera mikið traust til Náttúrufræðistofnunar Íslands samkvæmt nýrri könnun Gallup. Samkvæmt henni nýtur stofnunin mikils trausts 63% landsmanna.

Náttúrufræðistofnun Íslands hefur hlotið þrjá styrki úr Nýsköpunarsjóði námsmanna, samtals rúmlega þrjár milljónir króna.