Svæðið er tilnefnt vegna vistgerða á landi, ferskvatnsvistgerða og fugla.

Mörk
Laugarvatn og Apavatn í Laugardal og Brúará frá upptökum við Högnhöfða suður að ármótum Hvítár við Skálholtstungu. Svæðið nær einnig til Hólaár sem rennur til suðurs úr Laugarvatni, auk 100 m verndarjaðars meðfram árbökkum og umhverfis Apavatn.
Lýsing
Lífrík stöðuvötn og ár og nærumhverfi þeirra, einnig mýrasvæði suðvestur og norðaustur af Laugarvatni. Fjölmargar lindár og lækir falla til vatnanna og Brúarár, þar á meðal Hagaós úr Apavatni. Tilkomumikið landslag er í Brúarskörðum. Fjölskrúðugur gróður og fuglalíf enda fjölbreytt búsvæði til staðar. Á svæðinu er stundaður landbúnaður og útivist, orlofshús eru víða.
Forsendur fyrir vali
Mýrahveravist einkennir jarðhitasvæðin við Reykjanes og Þorlákshver og eru þau lítt snortin. Brúará er lindá þar sem er stór og að mestu staðbundinn bleikjustofn. Alþjóðlega mikilvægt svæði fyrir húsendur og gulendur á vetrurna. Mikið af öndum dvelst á ám og vötnum á fartíma, þar á meðal duggönd og straumönd.
Vistgerðir
Vistgerð | km2 | Hlutfall af heildarflatarmáli (%) | |
---|---|---|---|
Land | < 0,01
|
3 | |
Ferskvatn | n.a.
|
1 | |
Ferskvatn | n.a.
|
1 |
Fuglar - Votlendi og önnur svæði
Nafn | Árstími | Fjöldi | Ár | Hlutfall af íslenskum stofni (%) |
---|---|---|---|---|
Duggönd (Aythya marila) | Far | 720
|
2012 | 7,0
|
Straumönd (Histrionicus histrionicus) | Far | 150
|
1990-1995 | 1,0
|
Húsönd (Bucephala islandica) | Vetur | 33
|
2006 | 2,0
|
Gulönd (Mergus merganser) | Vetur | 28
|
2005-2010 | 3,0
|
Ógnir
Vaxandi frístundabyggð, ferðamennska og hætta á mengandi frárennsli. Aðrar ógnir stafa af íbúabyggð, framræslu, hrossabeit, skógrækt, jarðhitanýtingu, vegagerð og bílaumferð.
Aðgerðir til verndar
Tryggja að ekki verði byggt of nærri vatns- og árbökkum. Til að ná fram skilvirkri vernd vatnavistgerða þarf að tryggja að jaðarsvæðum þeirra sé ekki raskað í að minnsta kosti 100 m fjarlægð frá þeim. Gæta að mengun frá íbúa- og frístundabyggð og tryggja að jarðhitanýting spilli ekki sérstæðum jarðhitasvæðum.
Núverandi vernd
Núverandi verndarsvæði | Staða |
---|---|
Laugarvatn | Aðrar náttúruminjar |
Brúará og Brúarskörð | Aðrar náttúruminjar |
Skálholtstunga og Mosar | Aðrar náttúruminjar |
Selsflóð | Aðrar náttúruminjar |
Flatholt-Reiðholt | Aðrar náttúruminjar |
Reykjanes | Aðrar náttúruminjar |
Þorkelsholt-Hamrar | Aðrar náttúruminjar |
Útgáfudagsetning
Gefið út: 2018-04-05 Síðast uppfært: 2020-05-26