Svæðið er tilnefnt vegna ferskvatnsvistgerða, fjöruvistgerða og fugla.

Mörk
Melrakkaslétta ásamt fjörum og strandlónum. Suðurmörkin liggja frá Magnavík suðaustur að Múlum og þaðan norðaustur í Sjóhúsavík.
Lýsing
Melrakkaslétta er að mestu láglent heiðaland milli Leirhafnarfjalla og Illugafjalls og Bláskriðu sunnan Raufarhafnar. Vesturheiðin er þurrlend og að mestu mólendi en Austursléttan er rakari og eru þar fjöldi tjarna, smávötn og mýrlendi. Fjalllendi út til sjávarins að austan er mjög blásið með melum, moldum og grasgeirum. Leirhafnarfjöll eru gróðurlítil móbergsfjöll en þar er að finna nyrstu skógarleifar á landinu. Graslendi og mólendi er með sjónum, víða talsvert rofið. Syðst á svæðinu eru hraun (Kerlingarhraun) og tungur frá því allt niður til sjávar að vestan og austan. Landsvæðið er strjálbýlt, sauðfjárbúskapur hefur dregist saman og býlum fækkað. Þéttbýli er á Kópaskeri og Raufarhöfn. Með ströndinni að norðan eru víkur þar sem grynningar og flæðireinar eru áberandi, með leirbornum hnullunga- og malarbotni. Brimsemi er lítil innst í víkunum, en mun meiri allra yst. Lífríki er allfjölbreytt, einkum við ströndina, þar sem er fjöldi sjávarlóna, vatna og víka. Ríkulegt fuglalíf. Inn til heiða eru víðlend varplönd mófugla og mikilvæg búsvæði rjúpu og fálka.
Forsendur fyrir vali
Nyrst á svæðinu eru fjöruspildur við Skálaneslón, Oddsstaðalón, Skinnalón og Neslón. Þar eru klóþangsfjörur, klóþangsklungur og fjölskrúðugt lífríki, auk gulþörungaleiru innst í Neslóni. Kaldar lindir eru nærri sjó og í þeim má finna bleikju og grunnvatnsmarflær. Bleikjan er staðbundin auk göngubleikju. Á þessu svæði eru líklega huliðstegundir (e. cryptic species) af grunnvatnsmarflóm sem ekki eru annars staðar. Alþjóðlega mikilvægt svæði fyrir æður, ritu, kríu, álku, lóm og himbrima á varptíma og á fartíma fyrir rauðbrysting, sanderlu, sendling og tildru. Sendlingur að vetrarlagi uppfyllir einnig alþjóðleg viðmið svo og grágæs í fjaðrafelli. Þá er þarna mikið fálkavarp.
Vistgerðir
Vistgerð | km2 | Hlutfall af heildarflatarmáli (%) | |
---|---|---|---|
Ferskvatn | < 0,01
|
5 | |
Fjara | < 0,01
|
||
Fjara | 0,18
|
||
Fjara | 0,63
|
1 |
Fuglar - Sjófuglabyggðir
Nafn | Árstími | Fjöldi (pör) | Ár | Hlutfall af íslenskum stofni (%) |
---|---|---|---|---|
Æður (Somateria mollissima) | Varp | 8000
|
1999 | 3,0
|
Rita (Rissa tridactyla) | Varp | 14212
|
2006-2008 | 2,0
|
Kría (Sterna paradisaea) | Varp | 10000
|
2016 | 5,0
|
Álka (Alca torda) | Varp | 1006
|
2008 | 0,0
|
Fuglar - Fjörur og grunnsævi
Nafn | Árstími | Fjöldi | Ár | Hlutfall af íslenskum stofni (%) |
---|---|---|---|---|
Grágæs (Anser anser) | Fellir | 4029
|
2011 | 4,0
|
Rauðbrystingur (Calidris canutus) | Far | 7300
|
1990 | 2,0
|
Sanderla (Calidris alba) | Far | 3700
|
2011 | 2,0
|
Sendlingur (Calidris maritima) | Vetur | 2200
|
2012 | 4,0
|
Tildra (Arenaria interpres) | Far | 10000
|
2011 | 7,0
|
Fuglar - Votlendi og önnur svæði
Nafn | Árstími | Fjöldi (pör) | Ár | Hlutfall af íslenskum stofni (%) |
---|---|---|---|---|
Lómur (Gavia stellata) | Varp | 110
|
2016 | 7,0
|
Himbrimi (Gavia immer) | Varp | 16
|
2016 | 3,0
|
Fálki (Falco rusticolus) | Varp | 14
|
2016 | 2,0
|
Ógnir
Fiskveiðar, skotveiði og aukin umferð ferðafólks um svæðið. Áætlanir eru uppi um vindorkunýtingu.
Aðgerðir til verndar
Takmarka frekara rask í fjöru en orðið er. Stýra umferð ferðafólks um svæðið og tryggja að hlunnindanýting sé sjálfbær. Tryggja að búsvæði og farleiðir fugla verði ekki skert.
Núverandi vernd
Núverandi verndarsvæði | Staða |
---|---|
Melrakkaslétta norðanverð | Aðrar náttúruminjar |
Útgáfudagsetning
Gefið út: 2018-04-05 Síðast uppfært: 2020-05-26